لا تفكر صدي كره

لاتفكر إني عنك أصد مابيك
لكني أحفظ عزتي في صدودي

ولاتفكر إنك لو تغليت أباجيك
كلما تغلى زود صدي يزودي

وإن كان حارت صورتي وسط عينيك
مانيب أنا صورة سكنها الجمودي

لاتحسب إني لعبة بين أياديك
كلي تحدي وكبرياء وصمودي

الله خلقني ند وأقدر أجاريك
وما أعجز إني أحبسك بقيودي

لكن أبتحملك دام إني أرجيك
ودام إني أحبك أبلزم حدودي

وأصد وأحفظ عزتي منك وليك
حتى تعرف قدري وتحفظ عهودي