سجن حبك

موضوع: سجن حبك الجمعة فبراير 26, 2010 3:15 pm

اعتقيني من قيودك واطلقـي يـدي بطيـر
ماني لاقي في هروبي لا طريق ولا مفـر
علميني كيف احيا في سجـن حبـك اسيـر
ولا بقى لك في حشايا لا مكـان ولا قـدر
في غيابك كل لحظه انتظر يصحى الضمير
وللاسف طول انتظاري ملني وانـا انتظـر
انكسر فيني خفوقي يـوم باعـدت بكثيـر
وادري انك تفهميـن ايـش يعنـي انكسـر
في عيوني كان حلمي عايشك طول المسير
لين مات الحلم فيني ولا بقى له بـي اثـر
ارتوي من كاس مرك ودمعي بعيني غزيـر
شوفي دمعي فوق خدي من غيابـك انهمـر
مابقى في الدنيا خير ولا بقى في الناس خير
صارت وجوه الخلايق غير في كل الصور
اشتكي من جور بعدك وحبل رجوايا قصير
شفتك اكثر من بقايا ذكرى في بالـي تمـر
تخنقيني من غيابك في شهيق وفـي زفيـر
صارت انفاسي تزاحم بعضها ضيم وقهـر
وانتي ماتدرين عني حالي من بعدك خطيـر
تذكريني يوم وتنسي سيرتي طـول الشهـر
لا تظنيني بموت من القهـر وابقـى اسيـر
صدقيني يوم بنسى والقى في الاخـر مفـر
لا تجيني تطلبين العفـو واعـذارك كثيـر
المثل قد قال حكمـه اقبـح الذنـب العـذر

موضوع: رد: سجن حبك الجمعة فبراير 26, 2010 10:15 pm

تقبل مروري ابدعت يا حسام ابدعتتتتتتتت

موضوع: رد: سجن حبك الأربعاء مارس 03, 2010 8:11 pm

مرور جميل اختي الغاليه بس وسن هالغيبه