اجمل القصائد لاشهر الشعراء حامدزيد\نزار قباني\الشاعر الاردني امجد كامل العمرو وسعد علوش وكثير من الشعراء بالاضافه الى مجموعه مفيده للحاسوب والحيا العمليه والترفيه
 
الرئيسيةالبوابةاليوميةس .و .جبحـثالمجموعاتالتسجيلدخول

شاطر | 
 

 اريد وياك افتح باب العتاب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الضياء



عدد المساهمات : 81
امجد العمرو : 0
تاريخ التسجيل : 28/12/2009

مُساهمةموضوع: اريد وياك افتح باب العتاب   الأربعاء أبريل 21, 2010 9:15 pm

اريد وياك افتح باب العتاب
واكفر بالعشك لو كتلي سده
تنام بلا مخده ويخلص الليل
وانا كلساع شابكلي مخده !!
صاير ماتحس كلش هالايام
وحيل اتغيرت بيك الموده
تجر كلبي وتحبسه بطرف الرموش
لاعينك تشبكه ولاتهده
رد كلمن يجيلك جنحه مكسور
بس مكسور خاطر لاترده
ولو خصرك سفينه وصدرك شراع
وتخدر كل هوى بصدرك تصده
بس لا تنتفخ كلش على هواك
لانغرك ولك يافراوله تهده
اني شكد اجيتك !! كفر الباب
من كد ما الي تفتحه وتسده
وانته ولا اجيت بيوم يهواي
حتى بالعشك كاضيها خده ؟؟
هاي وياك صارت وحده يهواي
وامس بالليل هم مطلوب وحده
كلش شي الزين بيك وكل شي مو زين
حجيته وبالهوى ظليت اهده
اشوف الزين كله لأذنك يروح
والمو زين من يمك تعدى
يسباح الشواطئ شبدلك شوك
ليش اتغيرت !! مو جنت ورده
وكل الناس كالت هذا يهوك
وعليك يدور وجهه شما تعدى
كلت لا جي حلو مو هوه اليدور
خده يدور حتى يبوس خده
وجناتك شمس تحرك بالكلوب
والمايحترك يحترك جده
احترك جدي بهواك وشيب الراس
نسيت شلون كل ذيج الموده ؟
شتكل للناس ؟؟ مايعرفني جذاب ؟
ولا شعري لعب جوله على زنده
وانا الجافي العمر من فتحة الزيج
والليمون فوك جفوفي نده
اعددلك شكو بجسمك مسامات !!
واسميهن بسمهن وحده وحده
مو اني الخلقتك وانفخت بيك
بس الخالقك ظليت اعبده
تذكر من جنت تشابك وياي
شعرك روج احسه وجتفي سده
يشدني وارده اشده ومااشد شي
لان خيط الشمس محد يشده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


عدد المساهمات : 479
امجد العمرو : 3
تاريخ التسجيل : 26/12/2009
العمر : 36
الموقع : alamro.own0.com

مُساهمةموضوع: رد: اريد وياك افتح باب العتاب   الإثنين أبريل 26, 2010 10:51 am

يشدني وارده اشده ومااشد شي
لان خيط الشمس محد يشده


دقني ضاضا اشتقتلك وحاب ارجع اسولف وياك لكن الفتره هاي عندي ضروف ما ادخل كثير بس باذن الله كلها ايام ونرجع نحكي كل ساعه واعذرني على غيابي

_______________________________________
http://www.youtube.com/watch?v=zYUNVkT3kw8
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alamro.own0.com
 
اريد وياك افتح باب العتاب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بيـــــــــارق الأردن  :: الفئة الأولى :: منتدى الادبيات :: قسم الشعر-
انتقل الى: