مسكت بإيدي محبرتي لجل اكتب عن الآداب
لقيـــت المحبرة تبخـــل علي مهما أعــــاندها
سألت بدمعة مسكوبة .. سألت برهبة واستغراب
وردّت : راجعي تاريــــخ أيامك وحــــاضرها
بديت اسلسل الأيام واشوف اللي بها ماصــاب
وفهمت اللي برز لاجله بعض اقسى مخـــالبها
* * * * * *
رفضت اني اكون احدى بنات الخالطات انساب
وطلبت اكون بالعـــالي مـــلاك(ن) في طهـــارتها
طعنت الحب بسهومي وعشت بمنـطق ً خلاب
وقهرت اصحاب عقل(ن) دوم تفخر في شواربها
* * * * * *
دخلت بدنيتك فجأة ولا ادري وش هي الأسباب
دخلت بقــــوة جذابـــــة تغير لك ملامــــــحها
غزيت لقلبك ورمحي .. رقة مع غنج جــذاب
غزيته وانت ماتــدري وانا ماكنت قــــاصدها
سلبت الحــب من قلبك وبــدّلته بشوق وعذاب
وجننـــتك بخــــــفة دم .. نفسك ماتـــــقاومها
خيــالك صار لي مسكن وبه فتّحت لي ابواب
وبنيت بعــــالمك دولة ... أنا اروع معـــالمها
* * * * * *
صحيت بكلمة مصدومة صداها عني ماقد غاب
صعقني صوتك يغمغم .... ( ياخلي لاتزودها )
وانا والله ماعمري نويت انّا نكون احبــــاب
وغاية مطلبي أمحي همــــومك او أخـــــففها
غموضي كان عنواني وعن ذاتي قفلت كتاب
لقيتك بقوة سحريــــة تفـــتّح في صحايــــفها
* * * * * *
رجيــتك ترفق بخلك وترحم قــلبه المرتـاب
وتطفي نــاره اللي شب حــزنك به لهايـبها
أنا آسف يامحبرتي .. هواهم كان لي غلاب
أنا آسف ولك حـق (ن) على نفسي معاتـبها
موضوع: عناد الحب 
الثلاثاء ديسمبر 29, 2009 4:37 pm
