سايرت فكرٍ هايمٍ يحسـب أنفـاس
أرتـال جيـشٍ هاجمتنـي عشيـة
صارعت تنهيد روحي بقوة البـاس
و جهزت في المتراس أقوى سريـة
جنودها حب وشوق ودافي احساس
ياهول نبضـات قلبـي ياهـي قويـة
أهات صدري حركت فيني أجـراس
يٌسمع صدى اقراعهـا في البريـة
أعلان حربٍ بين زيـرٍ و جسـاس
الزير أنا وصولاتي ماهـي شويـة
لاني انا الصادق ولي قلب حسـاس
وأشوم عن قسوات العصور العتيـة
أسست في خاطري بزيـن إسّـاس
ينبوع ماءٍ دافقٍ فارتوي ياصبية
صوب الحبيب و عزتي بين الأجناس
أرويه بكاس حبي و ايـدي الحنيـة
ثغر بسوم جميل و لمعـة ألمـاس
افديه كلي و اهديـه عمـري هديـة
حتى التراب اللي عليه القـدم داس
كل منيتـي ألمسـه قبـل المنيـة
و الله أحبه وصار في دنيتي سـاس
و أهواه ما دام للنبض فيني بقية
جنات حبه غـدت زرعٍ و مغـراس
يارب أجعل حياتـي بقربـة هنيـة
عشقته و من الفرح صرت محتاس
الين شفته تخطى حدود الجاذبية
حسن و دلال بالعز شامـخ الـراس
صدق و وفا و اخلاص و طيب نيـة
يا الله كم أحبه حـب مالـه قيـاس
ماحب مثله قيـس ليلـى العامريـة
موضوع: عندما يصمت اللسان 
الثلاثاء ديسمبر 29, 2009 4:42 pm
